Ang Plano

Ang Estados Unidos ay may may kulang na 3.7 milyong bahay upang matugunan ang pangunahing pangangailangan sa pabahay. Sa Senado, ang plano ni Mark ay palawakin ang housing supply at pababain ang mga gastusin sa pamamagitan ng paghikayat sa pagsasaayos ng mga umiiral nang estruktura, pagpapabilis ng pagkuha ng mga permit, at pagpapadali para sa mga unang beses na bibili ng bahay na makakuha ng kanilang unang mortgage. Nagtrabaho rin siya upang pababain ang halaga ng pangangalaga sa bata sa pamamagitan ng pagtugon sa krisis sa kakulangan ng mga manggagawa sa sektor na ito.

Sa kanyang unang termino sa Senado, tumulong si Mark sa pagsulat ng Affordable Care Act, at patuloy siyang nagtatrabaho para patatagin ito. Naniniwala siya na ang tanging paraan para mapababa ang mga buwanang bayarin at mapanatiling matatag ang sistema ng pangangalagang pangkalusugan ay ang tiyakin na ang bawat Amerikano ay may kakayahang makakuha ng abot-kaya at pangunahing pamantayan ng pangangalaga. Ang mga tao ay magkakasakit lalo na at walang silang health insurance coverage. Sa emergency room sila babagsak—na siyang pinakamahal na uri ng pangangalaga—kaya tumataas ang gastusin para sa lahat.

Hindi pa handa ang Washington para sa paparating na krisis sa trabaho na dulot ng AI, at kailangan nating urgenteng mga patakaran na nakatuon sa hinaharap upang ihanda ang ating ekonomiya para sa bagong panahon na ito. Naniniwala si Mark na ang mga kumpanyang AI at malalaking korporasyon na malaki ang makukuhang kita mula sa aberya na ito ay kailangang gampanan ang kanilang bahagi, kasama na ang paghahanda ng mga manggagawa para sa ekonomiya ng kinabukasan at pagbabayad ng kanilang makatarungang bahagi ng napakalaking pangangailangan sa enerhiya na ilalagak ng AI sa ating power grid.

Walang ibang estado ang may mas malaking tungkulin sa pagbuo at pagpapanatili ng lakas ng militar ng Amerika kaysa sa Virginia. Alam ni Mark na ang kaligtasan sa ika-21 siglo ay hindi lamang tungkol sa kung sino ang may pinakamaraming eroplano, baril, o misil. Ito ay tungkol din sa kung sino ang nangunguna sa Intelihensiyang Artipisyal o kaya AI, mga unmanned system (tulad ng mga drones), advanced computing, quantum, cybersecurity, at iba pang mga teknolohiya na magtatakda sa susunod na henerasyon ng pakikidigma. Siya din ay nag aadhika upang manatili na ang Estado Unidos ay nangungua sa lakas militar.

Ipinaglaban ni Mark ang mga patakaran para protektahan ang mga kritikal na teknolohiya, palakasin ang pederal na R&D (Research and Development), at pangalagaan ang intellectual property ng U.S. laban sa pagnanakaw. Kinatha niya ang bipartisan na CHIPS and Science Act upang muling likhain ang lokal na pagmamanupaktura ng semiconductor para hindi na muling umasa ang U.S. sa China pagdating sa mga pangunahing teknolohiya na nagpapatakbo sa ating ekonomiya at militar.

Bilang nangungunang Demokratiko sa Senate Intelligence Committee, pinangunahan ni Mark ang mga pagtutulungan ng magkabilang partido (bipartisan efforts) upang labanan ang agresyong teknolohikal at pang-ekonomiya ng gobyerno ng China—mula sa pagtiyak ng kaligtasan ng mga supply chain hanggang sa paghihigpit sa mga dayuhang pamumuhunan na nagbabanta sa pambansang kaligtasan ng U.S.

Ang ating mga demokratikong pamantayan at institusyon ay hindi pa kailanman naharap sa mga banta na nararanasan natin ngayon. Naniniwala pa rin si Mark na ang politika ang pinakamainam na paraan upang makagawa ng pagbabago at mapabuti ang buhay ng mga tao, subalit magagawa lamang ito kung mayroon tayong matatag na demokrasya at malayang maipahahayag ng mga botante ang kanilang boses. Tumulong si Mark sa pakikipagnegosasyon at pagpasa ng nirebisang Electoral Count Act upang malinaw na itakda na ang Bise Presidente ay walang kapangyarihang baligtarin ang kagustuhan ng mamamayan kapag pinatutunayan ng Kongreso ang resulta ng halalan para sa pangulo.

Binaluktot ng mga Republikano ang mga patakaran sa Senado upang magluklok ng isang konserbatibong supermajority sa Korte Suprema—na may malinaw na layuning baligtarin ang Roe v. Wade, na kanila ngang nagawa. Ang taong 2026 ay isang napakahalagang taon para sa access sa aborsyon sa Virginia dahil magkakaroon ng pagkakataon ang mga botante na protektahan ito sa ilalim ng konstitusyon ng Estado (Commonwealth). Magtatrabaho si Mark upang tiyakin na maipasa ang susog (amendment) na ito, pati na rin ang iba pang mahahalagang susog sa konstitusyon ng estado upang mapangalagaan ang marriage equality (pagkakapantay-pantay sa kasal) at ang muling pagbabalik ng karapatang bumoto para sa mga kuwalipikadong mamamayan.

Mismong si Mark ang nakasaksi sa matinding pinsalang idinudulot ng karahasan sa baril sa ating mga komunidad, at kasalukuyan siyang nagtatrabaho upang tiyakin na ang mga taga-Virginia ay makapapasok sa paaralan, grocery, at mga simbahan nang walang takot sa karahasan. Naniniwala siya na may karapatan ang mga Amerikano na magmay-ari ng baril, ngunit kailangan natin ng mga praktikal na solusyon (commonsense solutions) tulad ng pagbabawal sa mga assault weapons at pagsasagawa ng mga background check upang mapanatiling ligtas ang ating mga komunidad.